ශ්රී ලංකාවේ වායු දූෂණය අවම කිරීමේ අරමුණින්, අධික කළු දුම් සහිත ඩීසල් වාහන සම්බන්ධයෙන් දැඩි නීති ක්රියාත්මක කිරීමට මෝටර් රථ ප්රවාහන දෙපාර්තමේන්තුව පියවර ගෙන තිබේ. නව වැඩසටහන යටතේ දුම් විමෝචන පරීක්ෂාව අසමත් වන වාහනවල හිමිකරුවන්ට දින 14ක් ඇතුළත එම දෝෂ අලුත්වැඩියා කිරීමට නියෝග කර ඇති බව නිල ආරංචි මාර්ග සඳහන් කරයි.
මෙම වැඩපිළිවෙළ “Clean Sri Lanka” ජාතික වැඩසටහන සමඟ සම්බන්ධව ක්රියාත්මක වන අතර, විශේෂයෙන්ම කොළඹ සහ තදබද නාගරික ප්රදේශවල ඩීසල් බස් රථ, ලොරි සහ ත්රීරෝද රථ විශේෂ පරීක්ෂාවකට ලක් කෙරේ. දුම් විමෝචන ප්රමිතීන් ඉක්මවා යන වාහනවලට maintenance order නිකුත් කරන අතර, නියමිත කාලය තුළ අලුත්වැඩියා නොකළහොත් නීතිමය ක්රියාමාර්ග ගනු ඇතැයි ද වාර්තා වේ.
ශ්රී ලංකාවේ වාහන දුම් විමෝචන පරීක්ෂාව (Vehicle Emission Testing – VET) වාර්ෂික ආදායම් බලපත්රය ලබාගැනීම සඳහා අනිවාර්ය වන අතර, DriveGreen Sri Lanka සහ LAUGFS Eco Sri වැනි ආයතන මඟින් දිවයින පුරා එම සේවාවන් ක්රියාත්මක කරයි.
ප්රවාහන ක්ෂේත්ර විශේෂඥයන් පෙන්වා දෙන්නේ, බොහෝ පැරණි ඩීසල් වාහන නිසි නඩත්තු නොමැතිව ධාවනය වීම මෙම ගැටලුවේ ප්රධාන හේතුව බවයි. විශේෂයෙන්ම ඉන්ධන දහනය අසම්පූර්ණ වීම, පැරණි එන්ජින් පද්ධති සහ අඩු ප්රමිතියේ නඩත්තු ක්රම නිසා අධික කළු දුම් නිකුත් වන බව ද ඔවුන් සඳහන් කරයි.