රාජ්ය සේවය පරිසර හිතකාමී කිරීමේ අරමුණින්, සියලුම රජයේ ආයතන තුළ එක්වරක් පමණක් භාවිත කර ඉවතලන ප්ලාස්ටික් වතුර බෝතල් භාවිතය සම්පූර්ණයෙන්ම තහනම් කිරීමට රජය තීරණය කර ඇත. රාජ්ය පරිපාලන, ස්වදේශ කටයුතු, පළාත් සභා හා පළාත් පාලන අමාත්යාංශය විසින් නිකුත් කරන ලද 09/2025(1) දරන නව චක්රලේඛය මගින් මෙම නියෝගය ලබා දී තිබේ.
මෙම නව නියෝගය අනුව, 2026 මැයි 31 වැනිදා සිට ක්රියාත්මක වන පරිදි සියලුම රජයේ ආයතන, දෙපාර්තමේන්තු, සංස්ථා සහ ව්යවස්ථාපිත මණ්ඩල මගින් එක්වරක් පමණක් භාවිත කර ඉවතලන ප්ලාස්ටික් වතුර බෝතල් මිලදී ගැනීම සහ භාවිතය සම්පූර්ණයෙන්ම නතර කළ යුතුය. මෙය පරිසරය ආරක්ෂා කිරීම සඳහා ගත් පියවරකි.
මෙම නව චක්රලේඛය 2026 මැයි 15 වන දින රාජ්ය පරිපාලන, ස්වදේශ කටයුතු, පළාත් සභා හා පළාත් පාලන අමාත්යාංශයේ ලේකම් එස්. ආලෝකබණ්ඩාර මහතාගේ අත්සනින් යුතුව නිකුත් කර ඇත. මෙම චක්රලේඛය පරිසර අමාත්යාංශයේ එකඟතාවය ඇතිව නිකුත් කර තිබීම විශේෂත්වයකි. 09/2025(1) දරන මෙම චක්රලේඛය මගින් රජයේ ආයතනවල ඝන අපද්රව්ය කළමනාකරණ කටයුතු විධිමත් කිරීම අපේක්ෂා කෙරේ.