ශ්රී ලංකාවේ විනෝදාස්වාද සහ සජීවී ප්රසංග ක්ෂේත්රය ගෝලීය ප්රමිතීන්ට අනුකූලව නවමු මානයකට රැගෙන යමින්, මෙරට ප්රථම වරට අති නවීන තාක්ෂණයෙන් සන්නද්ධ “ShowLab Studio” මධ්යස්ථානය නිල වශයෙන් ආරම්භ කර ඇත. මෙය සජීවී ප්රසංගයක් වේදිකාගත කිරීමට පෙර එහි ආලෝකකරණය, දෘශ්ය සැලසුම් සහ සමස්ත වැඩසටහනම පූර්ව-දෘශ්යකරණය (Previsualisation) සහ ක්රමලේඛනය (Programming) කළ හැකි මෙරට ප්රථම විශේෂිත ඒකාබද්ධ පහසුකමයි.
Bling Productions, Eyeon Digital Motion සහ D4 යන ක්ෂේත්රයේ ප්රමුඛ ආයතන තුනක සහයෝගීතාවයෙන් මෙම මධ්යස්ථානය නිර්මාණය කර ඇත. මේ හරහා ඕනෑම මහා පරිමාණ ප්රසංගයක් සැබෑ වේදිකාවට හෝ ශාලාවට රැගෙන යාමට පෙර, එහි සියලුම තාක්ෂණික අංග කල්තියා සැලසුම් කර පිරිපහදු කිරීමේ සුවිශේෂී අවස්ථාව මෙරට නිර්මාණකරුවන්ට හිමි වේ.
ලොව සුප්රසිද්ධ බ්රෝඩ්වේ (Broadway), වෙස්ට් එන්ඩ් (West End) සහ ජාත්යන්තර සංගීත සංචාර (International Touring) සඳහා භාවිත කරන අති නවීන තාක්ෂණික මෙවලම්වලින් මෙම ස්ටූඩියෝව සමන්විත වීම විශේෂත්වයකි.
ප්රවීණයන් තිදෙනෙකුගේ සුවිශේෂී එකතුව
ShowLab Studio හි මෙහෙයුම් පසුපස ක්ෂේත්රයේ ප්රවීණයන් තිදෙනෙකුගේ දායකත්වය සහ වෘත්තීය නිපුණත්වය පවතී:
- මාලන් ජෙසුදාසන් (Marlon Jesudason): Bling Productions හි නිර්මාතෘ සහ Eyeon Digital Motion හි සම-නිර්මාතෘවරයා වන ඔහු, නිර්මාණාත්මක අධ්යක්ෂණය සහ ප්රසංග සැලසුම්කරණය (Show Design) හරහා මෙරට සජීවී ප්රසංග කලාවේ නවීන ප්රමිතීන් සකස් කිරීමට පුරෝගාමී වූවෙකි.
- ඔබෙඩ් කුෂාන් (Obed Kushan): Eyeon Digital Motion හි ප්රධාන දෘශ්ය ඉංජිනේරුවරයා වන ඔහු, LED පද්ධති, ප්රොජෙක්ෂන් මැපිං (Projection Mapping) සහ බහු-විනය දෘශ්ය කලා කණ්ඩායමක් මෙහෙයවමින් අතිශය නිරවද්ය දෘශ්ය සමාකරණ (Visual Simulation) ක්ෂේත්රයේ ප්රවීණයෙකි.
- ධනුෂ්ක අරුණ (Dhanushka Aruna): D4 ආයතනය නියෝජනය කරන ඔහු, ආලෝකකරණ පද්ධති, විශේෂ ප්රයෝග, ප්රසංග පාලන පද්ධති (Show Control) සහ සජීවී ඉංජිනේරු ශිල්පය පිළිබඳ මනා තාක්ෂණික නිපුණත්වයකින් යුතුව ස්ටූඩියෝවේ ප්රධාන මෙහෙයුම් පරිසරය ශක්තිමත් කරයි.
ක්ෂේත්රයේ දිගුකාලීන අභියෝගවලට සාර්ථක විසඳුම්
මීට පෙර සජීවී ප්රසංග ක්ෂේත්රය මුහුණ දුන් ප්රධාන අභියෝග වන සීමිත පෙරහුරු කාලය, ශාලාවල පවතින සීමා සහ තාක්ෂණික අවිනිශ්චිතතාවන් සඳහා ShowLab Studio සාර්ථක විසඳුම් ලබා දෙයි. ආලෝකකරණය, දෘශ්ය අංග, ශ්රව්ය පද්ධති සහ දර්ශන පාලනය එකිනෙකට සමපාත වන ආකාරය පාලිත පරිසරයක් තුළ පරීක්ෂා කළ හැකි නිසා, අනවශ්ය පිරිවැය සහ අවදානම අවම කර ගනිමින් ඉහළ කාර්යක්ෂමතාවක් ලබා ගැනීමට නිෂ්පාදකයන්ට අවස්ථාව ලැබේ.
මෙහිදී භාවිත වන ප්රධාන ජාත්යන්තර මට්ටමේ තාක්ෂණික මෙවලම්:
- grandMA3: ලොව ප්රමුඛතම ආලෝක පාලන පුවරු (Lighting Consoles).
- Depence R4: සජීවී ත්රිමාණ දෘශ්ය සමාකරණ මෘදුකාංගය (Real-time 3D Visualiser).
- MTC සහ LTC: උසස් ටයිම්කෝඩ් පද්ධති එකාබද්ධතාව (Advanced Timecode Systems).
ක්ෂේත්රයේ අනාගතය: “මේ හරහා ආලෝකකරණ නිර්මාණකරුවන්ට, නිෂ්පාදකයන්ට සහ අධ්යක්ෂවරුන්ට ප්රසංගයක් වේදිකාගත කිරීමට පෙර එහි සෑම තත්පරයක්ම 100%ක නිරවද්යතාවයකින් යුතුව සැලසුම් කළ හැකිය. සංගීත ප්රසංග, ආයතනික උත්සව, වේදිකා නාට්ය සහ සංචාරක ප්රසංග ඇතුළු පුළුල් පරාසයක නිෂ්පාදන සඳහා මෙම පහසුකම විවෘත වේ.”
ShowLab Studio හි මෙම විප්ලවීය ආගමනයත් සමඟ ශ්රී ලංකාවේ ප්රසංග කර්මාන්තයට නව ප්රමිතියක් එක්වී ඇති අතර, දැන් ඉතිරිව ඇති එකම පැනය නම් දේශීය ක්ෂේත්රය මෙම ජාත්යන්තර වේගය සමඟ ඉදිරියට යාමට සූදානම්ද යන්නයි.